Masihi Shayari - PROMOTING MASIHI SHAYARI
Download Urdu Font

Maan | ماں

( 2 Votes )

Aj maan di yaad pai aundi aye
Mere dil nu bara tarpandi aye
Maan de athru kadi na bhul sakda
Mere yaad chay jairhi bahandi aye

Maan phirdi waang soudaiyan de
Galaan meriyan ker ker roundi aye
Mera puut gaya jay door bohat
Oh kounjaan wang kurlandi aye

Bay lous mohabbat kerdi maan
Ohdi chahat muul na aundi aye
Apain gillay te oh javain soun
Saanu sukay te sawandi aye

Maan da sath howay bhawain raat howay
Koi affat kadi na aundi aye
Maan de moun ton nikli har dua
Mere dhaal sipar ban jandi aye

Jinhaan khidmat maan di keti nah
Ounhan sukh kadi na paya aye
Chorh barkatan Rab diyan we
Ohnaan lanat nu kamaya aye

Aa pardesan de wich wasya mein
Ethay maan jeha koi na hona aye
Bin matlab pyar na mil sakda
Pichoon hasna moun te rona aye

Kadi bhul na jawein maan nu tu
Jay lambi umar tu paani aye
Kar saiwa raj raj maan di tu
Akhar wailay eih kam ouni aye

Gill mangda nahi Raba theithon kuj
Bus eiko mere baani aye
Mere jind jaway maan de qadmaan chay
Eiho jannat mere honi aye

اج ماں دی یاد پئی آوندی اے
میرے دل نوں بٹرا تٹرپاندی اے
ماں دے اتھرو کدی نہ بھُل سکدا
میری یاد چے جیٹرھے بہاندی اے

ماں پھردی وانگ سودائیاں دے
گلاں میریاں کر کر روندی اے
میرا پُت گیا جے دُور بہت
اوہ کونجاں وانگ کُرلاندی اے

بے لوث مُحبت کردی ماں
اوہدی چاہت مُل نہ آوندی اے
آپیں گِلے تے اوہ جاوے سوں
سانو سُکے تے سواندی اے

ماں دا ساتھ ہوے بھاویں رات ہوئے
کوئی آفت کدی نہ آوندی اے
ماں دے مُنہ توں نکلی ہر دُعا
میری ڈھال سپر بن جاندی اے

جنہاں خدمت ماں دی کیتی نہ
اوہناں سُکھ کدی نہ پایا اے
چھوڑ برکتاں سوہنے رّب دیاں وی
اوہناں لعنت نوں کمایا اے

آ پردیساں دے وچ وسیا میں
ایتھے ماں جیہا کوئی نہ ہونا اے
بِن مطلب پیار نہ مِل سکدا
پچھو ہسنا مُنہ تے رونا اے

کدی پُل نہ جاویں ماں نو توں
جے لمبی عُمر توں پانی اے
کر سیوا رج رج ماں دی توں
آخر ویلے ایہہ کم آونی اے

گِل منگدا نہیں ربّا تیتھوں کُج
بس اِکو میری بانی اے
میری جند جاوے ماں دے قدماں چے
ایہو جنت میری ہونی اے

© Younis Gill 2010

Add comment


Security code
Refresh

Login Form